Organisashon

Walter Wattenbergh ta CEO di BBT. Walter tin mas ku 35 aña di eksperensia den maneho i supervishon di terminalnan di kombustibel. Ku BBT, e tin komo meta kontribuí na un suministrashon di energia konfiabel, sigur i sostenibel na Boneiru. Walter tabata e presidente di Konseho di Komisario di BBT te su nombramentu komo CEO.

Cees den Ouden ta CFO na BBT. E tin eksperensia internashonal amplio den maneho finansiero, ku un enfoke riba transformashon i kresementu. Pa medio di desishonnan finansiero estrategiko, BBT por invertí den proyektonan ku ta kontribuí na energia konfiabel i duradero na Boneiru.

Marcelino (Chonky) de Lannoy ta Direktor di proyekto pa BBT. Chonky tin mas ku 30 aña ta traha den e industria di energia, ku un konosementu amplio riba terreno di almasenahe, logístika, maneho di kalidat i transishon di energia duradero. E ta un kara konfiá na Boneiru, kaminda e ta konosí tambe komo un líder entusiasmá i desisivo ku hopi konosementu tékniko. Chonky ta hopi motivá pa Boneiru bira un ehèmpel den nos región riba terreno di transishon duradero.

Bas van de Weijgert ta e sekretario kòrporativo i asesor legal di BBT. Komo abogado eksperensiá i konsehero legal di negoshi, Bas ta reforsá e tim ku ekspertisio den asuntunan di gobernashon, konseho legal, i maneho di riesgo. Ademas di su papel na BBT, Bas ta aktivo den un parke grandi di bientu, un operador di ret, i ta sirbi komo miembro di direktiva di e fundashon ‘Zeeuws Klimaat Fonds’.

Gerjanne Voortman ta konsehero di komunikashon na BBT. Ku su pasado den antropologia kultural i komunikashon, e ta streef pa krea kompréhenshon i konekshonnan signifikativo entre Hulanda Europeo i Hulanda Karibense. For di su profeshon i komo residente di Boneiru, Gerjanne ta envolví den diferente inisiativanan ku ta fortalesé komunidat.

Emiel ta kumplí ku e ròl di konsultant finansiero i stratégiko na BBT. Ku su eksperensia diverso, e ta yuda plania i manehá e proyektonan di BBT. Emiel ta traha riba vários senario pa konstrukshon di e terminal di kombustibel nobo, e ekspanshon di energia di bientu i solo, i e ta sostené e preparashon di dokumentonan di finansiamentu i tumamentu di desishon stratégiko. Di e manera aki, Emiel ke kontribuí na un suministro di energia sigur i sostenibel pa Boneiru.

Cherethy Kirindongo ta un miembro di Konseho di Komisario di BBT. Cherethy a studia lei na Universidat di Kòrsou i siensianan di negoshi na Universidat Katóliko di Nijmegen. Ela okupá diferente posishon na Banco Maduro & Curiels na Boneiru i tabata direktora di Kámara di Komèrsio di e isla. Aunke aktualmente Cherethy tin un puesto di maneho na Kámara di Komèrsio na Hulanda, e ta keda dediká pa sostené inisiativanan positivo riba i rònt Boneiru.

René Peters ta un otro miembro di Konseho di Komisario di BBT. Ku un bèkgrount den físika apliká i komo direktor komersial di teknologia di gas na TNO, e ta trese un kombinashon di ekspertisia tékniko i komersial. René tambe ta un miembro di Konseho di Ekspertonan den Metrologia pa Ministerio di Asuntunan Ekonómiko i Klima, i di Konseho di Supervishon di World Energy Council. Komo ‘konstruktor di puente’ entre sektornan i diskursonan, René ta deseá pa kontribuí na transishon di energia na Boneiru.

Marga Buys ta un miembro di Konseho di Komisario di BBT. Ku un bèkgrount den ekonometria i mas ku 20 aña di eksperiensia den sektór di energia, inkluí 10 aña na Autoridat Konsumidó i Mercado (ACM), e ta trese ekspertisia amplio den regulashon di energia i supervishon finansiero. For di 2015, Marga ta biba na Boneiru, kaminda ela bira un figura konosí den komunidat. E ta presidente di Konseho di Komisario di Stichting Reclassering Caribisch Nederland i Fundashon Propiedat Inmobil Boneiru. E tambe ta aktivo den organisashonnan lokal manera Buki di Prèt, BonChess, i komunidat di iglesia. Den su ròl na BBT, Marga ta komprometé pa fortalesé i promové sostenabilidat di suministro di energia na Boneiru.