06-08-2024

Destaho pa terminal nobo di kombustibel na Boneiru a kuminsá

Bonaire Bon Transition (BBT) ta ehekutá un destaho públiko pa selektá un partido den merkado pa e kontrukshon di un terminal nobo di kombustibel na Boneiru. Esaki ta un paso importante pa desaroyo adishonal di e infrastruktura di energia di Boneiru.

Koloborashon ku kompania lokal
Riba 2 di ougùstùs 2024, e destaho pa e kontrukshon di e terminal nobo a ser publiká (destaho públiko BBT). E destaho aki ta habri pa kompania ku tin eksperiensia den e diseño detaya i kontrukshon di almasenamentu di kombustibel ku ta kumplí ku e normanan mas moderno. Esnan ku ta partisipá den e destaho ta rekomendá pa traha ku kompania lokal mas tantu posibel durante e diferente fase di e preparashon i konstrukshon. Den e fase di selekshon, ta duna hopi atenshon tambe na medidanan di seguridat i inisiativanan di sostenibilidat.

Selekshon di luhá
E terminal nobo ta destiná pa suministrá, almasená i subministrá kombustibel pa trafiko aéreo, generashon di energia i uzo lokal. Despues di investigashon amplio a skohe e luhá parti sur di e aeropuerto. Entre otro, pasobra na e luhá aki por usa e pir existente pa suministrá e tankinan i no ta nesesario pa konstruí den laman.

Nesesidat di un terminal nobo 
E almasenamentu eksistente na Boneiru ta bieuw i pronto no lo kumplí mas ku normanan di seguridat. Esaki ta pone riesgo pa hende, animal i medio ambiente. A pesar di e esfuersonan den e área di energia renovabel, almasenamiento di kombustibel ta keda nesesario. No tur momento di aña òf di dia por optené sufisiente energia fòr di solo òf bientu. Tambe, ainda tin mester di kombustibel pa yena avion, boto i outo.

Tokante di Bonaire Bon Transition
BBT ta kai bou di e responsabilidat di e Minister di Klima i Kresementu Berdè i tin komo enkargo pa sòru ku Boneiru ta disponé di sufisiente energia, awor i den futuro. BBT ta traha serka ku, entre otro, e Entidat Públiko Boneiru (OLB), ContourGlobal, WEB i Curoil. Aparte di e kontrukshon di un terminal nobo di kombustibel, BBT ta invertí den e expanshon di energia di solo i bientu.

Procedura di selekshon

Ora e destaho ta será, un komishon lo evaluá e propuesta entregá. E selekshon di e kontratista ganador ta spera pa final di e aña aki, ku e komienso di e kontrukshon planea pa kuminsá den prinsipio di 2025 i finalisá den prinsipio di 2026.

Pa mas informashon tokante di e proyektonan di BBT, por bishitá bbtbonaire.com/pap.

Terug