Bonaire Bon Transition B.V. (BBT) a wordu fundá pa Ministerio di Asuntunan Ekonómiko i Klima, i awor ta bou di responsabilidad di Ministerio di Klima i Kresementu Berdè. BBT tin komo enkargo pa sòru ku Boneiru ta disponé di sufisiente energia. Energia pa biba, traha i disfrutá.
BBT ta suministrá energia almasenando kombustibel na un manera seif i kontribuyendo na e transishon pa energia duradero, generá pa solo òf bientu. Dor di redusí dependensia di un fuente di energia so, nos ta mehorá e etabilidat di henter e sistema di energia.
Pa logra esaki, BBT ta traha huntu ku organisashonnan na Boneiru manera Openbaar Lichaam Bonaire (OLB), ContourGlobal, Water- en Energiebedrijf Bonaire (WEB) i Curoil. Huntu nos ta trahando pa un suministro di energia ku no solamente ta sigur i konfiabel, sino ku por krese i bira mas duradero i diverso tambe.
BBT ta sòru pa almasenamentu sigur di kombustibel i ta kontribuí na e transishon pa energía duradero na Boneiru.
Strukturando
e suministro di
kombustibel i
stimulando durabilidat
di produkshon
di energia, BBT ta
sòru pa energia pa
Boneiru.
Nos mishon ta pa asegurá ku Boneiru tin sufisiente energia. Di e forma akí produkshon di koriente i awa pa konsumo por tuma lugá sin interupshon i por move sin muchu esfuerso riba tera, laman i den aire.
BBT ta sòru pa suministro i almasenamentu di kombustibel konfiabel i sigur. Nos ta invertí den un terminal moderno ‘state-of-the-art’. Siguridat pa hende, animal i medio ambiente ta nos prioridat máksimo.
BBT ta invertí den energia duradero riba eskala grandi na Boneiru. Pa kontribuí na e desaroyo, ekspanshon i faktibilidat di energia generá pa bientu i solo, nos ta kontribuí na un futuro di energia mas duradero i diverso pa Boneiru.
Bon bini na e boletin di novèmber 2024! Den e edishon aki: Arte komo spiel pa kambio di klima: BBT ta bishitá eksposishon den ‘Watersnoodmuseum’ Uni forsa pa terminal nobo na Boneiru Terminal di...
Lees meer
Bon bini na e boletin di ougùstùs 2024! Den e edishon aki: Parke solar ta produsí mas ku espektativa Destaho pa terminal di kombustibel nobo a kuminsá Di EZK pa Ministerio di Krèshimentu Berde i Klima Koleganan...
Lees meer
BBT a wordu fundá na aprel 2021 bou di e nomber ‘Bonaire Brandstof Terminals’ i a kambia su nomber na ‘Bonaire Bon Transition’ na prinsipio di 2024. E kambio aki ta reflehá e kambio di organisashon pa un eskala di aktividat di energía mas amplio na Boneiru. BBT ta keda komprometí na desaroyo di e terminal nobo di kombustibel, i banda di esaki ta kontribuí na e transishon pa energia mas sostenibel i diverso.
Boneiru ta krese rápidamente i tin mas i mas nesesidat di energia. Na mes momentu, e dependensia riba kombustibel fósil mester baha. Por lo tanto, tin mester di pasonan grandi den tereno di generashon di energia duradero. Pa esaki, ta invertí den renobashon i ekspanshon di e parke di molina di bientu.
E kompania di energía ContourGlobal tambe ta 50% doño i uniko atministrador di e parke di panel solar.
E terminal nobo lo konsistí di ocho tanki di mas o menos 1000 m3 kada un. Pa komparashon; e tankinan aki ta mas ku 120 biaha mas chikí ku e tankinan di BOPEC. E terminal lo kumplí ku e normanan di seguridat mas haltu i lo wordu situa na mínimo 200 meter fòr di área residensial aktual òf futuro.
Despues di investigashon amplio i konversashon ku instansianan lokal, a skohe e luhá parti sur di e aeropuerto. Na e luhá aki por usa e pir eksistente pa suministrá e tankinan i no ta nesesario pa konstruí den laman di e forma aki evita posibel destrukshon di ‘habitat maritimo’. E lugá aki tambe ta minimalisá transporte di kombustibel riba kaminda publiko, pasobra un parti di e kombustibel ta destiná pa yena avion. E terminal nobo lo reemplasá e tankinan eksistente di BOPEC, aeropuerto i Curoil (na Hato). Sentralisashon ta promové seguridat, efisiensia i kontrol di kosto.
BBT ta invertí aktivamente den ekspanshon di fuente di energia duradero, manera energia solar i energia di bientu. BBT ta 50% doño di e parke di panel solar i su sistema di bateria i ta preparando pa renobá i ekspandé e parke di molina di bientu. Pa medio di e invershonnan aki nos ta kontribuí na redukshon di dependensia di energia fósil.
Energia fósil aktualmente ta un parti nesesario di generashon di energia stabil. No tur momentu di aña òf di dia por optené sufisiente energia fòr di solo òf bientu. Tambe, ainda tin mester di kombustibel pa yena outo, boto i avion.
E almasenamentu eksistente ta bieuw i pronto no lo kumplí mas ku normanan di seguridat. Esaki ta pone riesgo pa hende, animal, medio ambiente i indirektamente pa e ekonomia lokal pasobra koriente, suministro di awa i transportashon ta dependé di kombustibel.
